امن مركزى...اسماعيل ياسين ...دماااااااااغ

"هو بعينه بغباوته.............."
دا كان اسماعيل ياسين...والشاويش عطيه بيشد فى شعره منه..

فهل أصبح اسماعيل ياسين (الشخصيه فى الفيلم)هو الجندى المثالى اللى بيبحثوا عنه لشغل وظيفة جندى أمن مركزى!!!!

كنت زمان بسمع ذى طرفه عن طريقة إختيار جنود الأمن المركزى..

بيقولوا بيوقفوا الناس المتقدمه..
ويقولولهم...اللى بيعرف يكتب...يروح يمين
واللى ما بيعرفش...يروح شمال..
وفى الآخر ياخدوا اللى فى النص ...ويلبسوا البدله السوده الشهيره...ويمسكوه العصايه..الشهيره برضو....

حقيقه كنت مش مصدقها اوى الحكايه دى...

اه هو غريبه اوى انهم اول نا يتقالهم اضرب...يشوط فى اللى قدامه..
سواء راجل كبير...صغير...بنت ...ولد..

بس قلت بيكون كبت نفسى ولا حاجه...

لكن اتصدمت بلقطة فيديو منشوره على النت...
لجندى...لابس نفس البدله..والعصايه راكنها...
بس مسكين...

مسكين بجد...جدااااااااااا

مسكين لان دماغة على أده...
إممممممم
لا مفيش دماغ اصلا...

شوية ظباط موقفينه وبيسألوه..
حرب سنة 1973 كانت سنة كم؟؟؟
مش عارف...وبيقسم انه مش عارف

طيب حرب سنة 1973 اللى كسبت فيها مصر اسرائيل كانت بين مين ومين؟؟؟
مش عارف برضو..

بأه مش عارف حرب اكتوبر كانت بين مين ومين..
وعاوزينه يعرف الإخوان او كفايه أو شايفنكم...أو غيرهم !!!!!!!!!!!!

فعلا فقط فى دماغهم...إن اضرب دى...هو امر بضرب أعداء الوطن...

اعداء الوطن !!!! طيب اضرب ياعم....

عموما آخر مصايب the men in black
اللى حصل لجمهور نادى اسمنت السويس بعد الماتش مع المقاولين...
وواحد من الجمهور راح دمه هدر...

والله دماااااااااااااااااااغ...

بس دماغ متكلفه....