العـــــادى يعنــــى

مشاعر كتير....كلها يأس واحباط

دا اصل حياة اى شاب ليه فى الثقافه...أو ليه فى تشغيل الدماغ

طيب قولى حاجه تخليه مايحبطش؟

بلده

والسجون مليانه بشرفاء بلده...والصحفين بيتقطعوا فى جرايد الحكومه

واى حد بيقول لا بيتسحل

ان اجلا او عاجلا

الخـــــــــــــــوف هو سمة عصره

هتبقى ذى نور لو قلت لا

ذى العريان

هتبقى ذى عماد الكبير

وولادك هيبقوا ذى الطفل قتيل المنصوره

دى مصر

فلسطين

واخوانا هناك كل الناس بتحاربهم

الاعداء والاخوات وولاد العم

كله بيحاربهم

العراق

وبقينا مش عارفين مين بيضرب فى مين

وكم واحد بيموت فى اليوم

وكم واحده بتغتصب او تنتهك حرمتها

لبنان

وكله داخل فى كله

والبلد موُلعه تحت رجلين ناس ملهاش فى مصلحة البلد

باكستان

وحتى مشرف طول ايده على المسلمين

افغانستان

ومازال مسلسل انتهاك حرماتنا مُستمر

الشيشان

والمجاهدين بين كر وفر

ومفيش حد فى العالم بيعملهم اى دعم

السويد والدنمارك وغيرهم

ومازال التعرض لنبينا صلى الله عليه وسلم مستمرا

انجلترا

وشيخنا المسلم بيحصله عاهه مستديمه

ومقامتش الدنيا ومقعدتش انهم بيعادوا الساميه

سوريا

والحرب على الابواب

او الانبطاح

ليبيا

انبطاااح مستمر

السودان

والتقطيع فيها على ودنه....والعافيه حلوه

الصومال

والاحتلال قائم

اليمن

حوثى وحكومه وهاتك ياضرب

السعوديه

هى وسوريا هيمرمطوا بعض فى التراب خلاص قربوا

الجزائر

ارهاب ولا جهاد؟

كفايه لحسن اتخنقت اكتر مما انا مخنوق.

بس استنى

كليه

والدكاتره لسه بيعاملوا الطلبه على اساس انهم كلاب

ومفيش عليهم رقيب غير نفسهم

باعتبار اللى حاطط الله رقيبه قليل فى الوقت الحالى

شغل

والناس شغاله بطلوع الروح

او هات كفيل وسافر برا

او شوف مكتب تسفير واديه دم قلبك

لاما تسافر....او تطلع اشتغاله

ابوك وامك

مش هيفهموك....وهيخنقوا عليك

البنت اللى بتحبها

لهتخنق عليك...لهتسيبك...لهتركبك..لاهتصاحب عليك

انت

هتعمل نفسك فاهم كل حاجه وتصدع دماغك

وتقول كل الكلام اللى قلته فوق دا

من الاخر

مفيش امل

عيش الاحباط بحق وحقيقى

عيشه..على كيف كيفك

عيشه بكيانك..وحس بيه من قلبك

اهلا بيك