حريـــة .. حريـــة

الغضب مالي البدن و الروح ,

شايفين كلاب راحت..

و كلاب جديدة جت ..

و جايبه معاها الجوع ,

لكن مهما النباح علي..

ما فينا تاني رجوع ..

حرية حرية

أشواق بتزق شوق ,

و القلب بده يروق ,

و الشعب واقف فوق ,

بينادي حرية حرية

يا مية مؤذن ع المآذن واقف ,

يا شاب في الميدان ثابت ..

و لكل لون م الظلم شفت ..وشايف ,

سامع صوتك بيهز دنياهم..

و مش خايف ..

حرية حرية

يا صوت شهيد في الجنة ,

,مش ناسيين سبب موتك

و مهما زادوا في آلامنا

سامع صدى صوتك

حرية حرية

مهما رجعتوا الطوارئ ..هنــَّـادي ,,

مهما جردتوا م الثورة المبادئ .. هنــَّـادي ,,

مهما قيدتوا الأيادي .. هنــَّـادي ..

حرية حرية