بكرة تسألنا الشفاعة

يا قابض ع البلاد ..

دلني فين السلامة

قلتلك إحنا الولاد ..

مشيت لنا في سكة ندامة

بكرة تقوم العركة تاني..

تسلملنا أم الغباوة .

يا شايل سيف خشب ..

بتحسبه من حديد

جيل زمان كان مطاطي ..

دلوقتي دا جيل جديد

كل ما يزيد غباءك..

يزيدوا هما نباهة

يا شارب كاس و داير..

على الخمارات

تسكر و السبحة في إيدك ..

و تحت رجليك اللي مات

زي ما شفت الطيبة فينا ..

بكرة هتشوف الشقاوة

يا قاعد ع الكرسي بتضحك ..

و انت خايف

مثّل براحتك ..!

بس إنت عارف و أنا عارف ..

إن قلبك جوا خايف

و مدعيلنا الشجاعة

يا قابض ع البلد

يا ساجن الولد

بكرة تسألنا الشفاعة