ماشي ماشي .. إشتم براحتك !!
لما تخلص شتيمة .. إقرأ من فضلك بس بعقلك !
مبارك كلنا عاوزينه يتحاكم , وأنا في رأيي إنه يستحق الإعدام على ما اقترفه طوال حكمه من فساد و تعذيب و قتل و نهب ..
وأنا مع إستمرار الضغط على المجلس العسكري بكل قوة لمحاكمة مبارك و أسرته
لكن ماذا لو إستمر المجلس العسكري في تباطؤه ؟
عندنا خيار من إتنين ! لإما نصطدم معاه بشكل مباشر مهما خد الصدام من وقت لحد ما نصل لنتائجه
أو نستمر في الضغط و نعمل عبيط
طيب تعالي نرتب الأولويات تاني
كان هدفنا الأول .. سقوط النظام
و النظام تقريبا كله سقط .. تقريبا ..ها ! تقريبا !
طيب عشان يكمل سقوطه لإما نمنع أي فرد ينتمي للحزب الوطني سابقا أو حاليا إنه يترشح أو يمارس عمل سياسي لمدة 3 أو 4 سنين
و دا في رأيي حدوثه مش أكيد !
أو نبني نظام جديد ببناؤه يسقط القديم تماما
ومايشاركش فيه حد من النظام القديم !
طيب إزاي نبني نظام زي دا ؟
مجلس شعب حر لا يُشارك فيه بنسبة مهمة أي من فلول الحزب الوطني
و رئيس جمهورية يُمثل طموحات الشعب و طموحات الثورة !
طيب الكلام دا إزاي نحققه ؟ هنحققه بإننا نقضي ليلنا بنهارنا بنشتم الجيش على تويتر و بنتابع التحرير على الفيس بوك .. و كل يوم كل واحد ياخد شنطته و ساندوتشاته و كامرته و يطلع على التحرير !
ولا بإننا نبدأ شغل سياسة و توعية في الشارع عشان ننشر ثقافة كيفية إختيار عضو مجلس شعب يخدم الشعب فعلا !
نتخانق و نتنافس إنطلاقا من أجنداتنا الحزبية و هوياتنا الفكرية .. ولا نتحد و نأتلف عشان ندخل مجلس الشعب في ترابط و نمنع دخول فلول من الحزب الوطني ؟
ولا ننسى الكلااام دا كله .. و تبقى حياتنا هو مبارك إتحاكم ! ما اتحاكمش .. الجيش متواطئ !! ماتواطئش !
الثورة هتنجح لو تماسكنا دلوقتي و دفعنا كل طاقاتنا في إتجاه بناء نظام جديد .. بغض النظر عن مبارك في السجن ولا لأ
الثورة هتنجح لو فضل رجل الشارع بيحب الثوار و متعاطف مع ثورتهم .. بغض النظر عن مبارك في السجن ولا لأ
والثورة هتفشل لو فشلنا في بناء نظام جديد لا يشترك في تكوينه فلول الحزب الوطني ..بغض النظر عن مبارك في السجن ولا لأ
والثورة هتفشل لو فقدنا رجل الشارع اللي هيدينا صوته في الإنتخابات القادمه ... بغض النظر عن مبارك في السجن ولا لأ
و على فكره .. لو بنينا نظام جديد قوي ..و خدنا خطوات مهمة في تثبيت الديمقراطية ..هيكون الشعب مع النظام المنتخب الجديد أقوى من أي شيء في الدنيا و هيكون الجيش ترس في هذا النظام و فقط
و وقتها ممكن نحاكم أي حد !
و لو منجحناش في دا ... طز ! هنكون عملنا نظام جديد لمستقبل جديد و دا أهم من أي حاجة في الدنيا
نساعد نفسنا بقا شوية و مانعتمدش على الجيش في كل حاجه ..لأن مش أكيد إنه هيساعدنا في كل حاجه
1 comment:
بعيداَ عن الضغط على المجلس العسكرى لآنه يعتبر المؤسسة الوحيدة المحترمة فى البلد لكن انا مع محاكمة مبارك أن لم يحاكم مبارك سيقتل 85 مليون ... وفى الحالات دى نقول لآمثال مبارك ..
؟!the end
Post a Comment