الشعب يريد إسقاط النظام
الشعب خلاص قال كلمته
قال زهقنا من كدبكو
قال كفاية بقا ظلمكو
قال كلمته
إنه صحي
ولا عمره أبدا راح ينام
الشعب يريد إسقاط النظام
مافيهاش كلام
قلنا يوم التلات سلام... سلمية ..سلام
ضربتوا فينا
قلنا حرام
سالت دمانا
ما فرقش أبدا دا دم أحمد
ولا مينا
وعملتوا فينا
اللي محدش يعمله في ولاد حرام
الشعب يريد إسقاط النظام
قلنا بصوت عالي
مش عايزين حكمكو
ودفعنا الجمعة كل غالي
عشان نخلص منكو
والنهاردة حتى لو بستوا الأيادي
مش هنغفر لكوا ذنبكو
ولا بعد عام
الشعب يريد إسقاط النظام
خدتوا فرصكم
وإنتهت الحكاية
نكستوا رايتي
ورفعتوا غيرها ألف راية
ولا عمركو فرقت معاكم
دا حلال
ولا حرام
واعرفوا إن دا آخر كلام
الشعب يريد إسقاط النظام
No comments:
Post a Comment